KTR: కాంగ్రెస్‌ వస్తే అల్లర్లు, హింస తప్ప అభివృద్ధి ఉండదు..

రాష్ట్రాన్ని మరింత వేగంగా అభివృద్ధి చేస్తాం

KTR: రాష్ట్రంలో కాంగ్రెస్ పార్టీ(Congress Party) అధికారంలోకి వస్తే నగరంలో అల్లర్లు, హింస(Violence) వంటి అనేక సమస్యలకు దారితీయవచ్చని  బీఆర్‌ఎస్(BRS) వర్కింగ్ ప్రెసిడెంట్  కేటీఆర్(KTR)  అన్నారు. గతంలో ఉమ్మడి ఆంధ్రప్రదేశ్‌లో కాంగ్రెస్‌(Congress  అధికారంలో ఉన్నప్పుడు ఇలాంటి సమస్యలు వచ్చాయని, మళ్లీ అలాంటి అనిశ్చితి నెలకొనకూడదన్నారు. 

గతంలో 1989 నుంచి 1994 వరకు కాంగ్రెస్ పార్టీ(Congress Party) అంతర్గత విభేదాల కారణంగా ముఖ్యమంత్రిని మార్చేందుకు ప్రయత్నించి 400 మంది మృతికి కారణమైన విషయాన్ని కేటీఆర్(KTR) ప్రస్తావించారు. అధికారం కోసం కాంగ్రెస్ దేనికైనా సిద్ధమని పార్టీ నేతలకు చెప్పారు. ‘కాంగ్రెస్‌లో ముఖ్యమంత్రి పదవి కోసం మాజీ మంత్రి జానారెడ్డి(Jana Reddy) సహా 11 మంది అభ్యర్థులు రెడీగా ఉన్నారు. కాంగ్రెస్‌ పార్టీ(Congress Party) కొత్త సీసాలో పాత సారా లాంటిది. సీల్డ్‌ కవర్‌ సీఎంలు, అంతర్గత కుమ్ములాటలు నిత్యకృత్యం. కాంగ్రెస్‌ ఇస్తున్న గ్యారంటీల సంగతేంటోగానీ ఆరు నెలలకో సీఎం మాత్రం గ్యారంటీ’అని బీఆర్‌ఎస్‌ వర్కింగ్‌ ప్రెసిడెంట్, మంత్రి కేటీఆర్‌ అన్నారు.

బీజేపీ(BJP) మతం ఆధారంగా ప్రజలను విభజిస్తోందని విమర్శించారు. అందుకు భిన్నంగా పసిపాపకు కేర్ టేకర్ లాగా నగరాన్ని, రాష్ట్రాన్ని కేసీఆర్(KCR) పరిరక్షిస్తున్నారని కొనియాడారు. ఈ సమస్యలపై ప్రజలకు అవగాహన కల్పించాలని బీఆర్‌ఎస్ కార్యకర్తలను(BRS Activists) ఆయన కోరారు.హైదరాబాద్‌లో(Hyderabad) సమస్యలు ఎదురైతే తెలంగాణ రాష్ట్రం(Telangana) మొత్తం మీద ప్రభావం చూపుతుందని ఉద్ఘాటించారు.

సుస్థిర ప్రభుత్వం, దృఢమైన నాయకత్వం ఉంటేనే తెలంగాణ అభివృద్ధి నిరంతరంగా సాగుతుందన్నారు. ‘ఎవరు అవునన్నా, కాదన్నా తొమ్మిదిన్నరేళ్లలో మాకు నికరంగా దొరికిన ఆరున్నరేళ్లలో అసాధారణ విజయాలు సాధించాం. తెలంగాణ(Telangana) భూతల స్వర్గమైందని చెప్పడం లేదు. సమస్యలు(Problems) నిరంతరం ఉంటూనే ఉంటాయి. వాటిని పరిష్కరించడం ప్రభుత్వ బాధ్యత. కేసీఆర్‌(KCR) ప్రజల మనిషి, ఆయన నాయకత్వంలోనే తెలంగాణ నేడు దేశానికి దిక్సూచీగా మారింది. మా పార్టీ ఎమ్మెల్యేలపై అక్కడక్కడా అసంతృప్తి ఉన్నా బీఆర్‌ఎస్‌కే ఓటర్లు మద్దతు(Voter support) పలుకుతారు. మేము దైవాంశ సంభూతులం కాదు. అందరినీ సంతృప్తపరచడం సాధ్యం కాదు. ఏ రకమైన ప్రభుత్వం కావాలో మీరే ఎంచుకోండి’అని కేటీఆర్‌(KTR) పేర్కొన్నారు.

‘హైదరాబాద్‌లో(Hyderabad) అభివృద్ధి ఇప్పటి దాకా చేసింది ట్రైలర్‌ మాత్రమే.. అసలు సినిమా ముందుంది. వచ్చే ప్రభుత్వంలో మరింత వేగంగా హైదరాబాద్‌ అభివృద్ధి చేసి చూపిస్తాం. 332 కి.మీ. రీజినల్‌ రింగ్‌ రోడ్డు(Regional Ring Road) నిర్మించడంతోపాటు ఔటర్‌ రింగ్‌రోడ్డు, రీజినల్‌ రింగ్‌ రోడ్డు నడుమ కొత్త హైదరాబాద్‌ను నిర్మిస్తాం. గత రెండున్నర దశాబ్దాల్లో అభివృద్ధి కోణంలో తెలంగాణపై(Hyderabad) ప్రభావం చూపిన వారు వైఎస్, చంద్రబాబు, కేసీఆర్‌ మాత్రమే అని, కర్ణాటక పరిస్థితి పెనం మీద నుంచి పొయ్యిలో పడినట్లు ఉంది. అక్కడి కొత్త ప్రభుత్వం బిల్డర్లపై విధించిన స్పెషల్‌ ట్యాక్స్‌ 40 నుంచి 400 శాతానికి పెరిగింది. ఇతర రాష్ట్రాలతో పోల్చి చూస్తేనే తెలంగాణ, హైదరాబాద్‌ అభివృద్ధి కళ్లకు కనబడుతుంది’అని కేటీఆర్‌ పేర్కొన్నారు.

సనత్‌నగర్(Sanath Nagar) నియోజకవర్గంలో బీఆర్‌ఎస్(BRS) పార్టీ తరపున ప్రాతినిధ్యం వహిస్తున్న తలసాని శ్రీనివాస్ యాదవ్‌తో(Talasani Srinivas Yadav) రామారావు మద్దతుగా ఉన్నారు. వచ్చే ఎన్నికల్లో బీజేపీ(BJP ) నుంచి డాక్టర్ మర్రి శశిధర్ రెడ్డి(Dr. Marri Shashidhar Reddy)పై, కాంగ్రెస్ నుంచి డాక్టర్ కోట నీలిమపై శ్రీనివాస్ యాదవ్ పోటీ చేయనున్నారు. కాంగ్రెస్‌ను(Congress) విమర్శిస్తూనే, హైదరాబాద్‌లో బిజెపికి ఏ సీట్లు రాకుండా చూసుకోవాలని రామారావు బిఆర్‌ఎస్ కార్యకర్తలను కోరారు. రాజా సింగ్(Rajasingh) తమ అభ్యర్థిగా ఉన్న గోషామహల్‌(Goshamahal)లో మాత్రమే బీజేపీకి అవకాశం ఉందని ఆయన ప్రత్యేకంగా పేర్కొన్నారు. హిందువులు, ముస్లింల మధ్య విభేదాలు సృష్టిస్తున్నాయని ఆరోపిస్తూ, అన్ని నియోజకవర్గాల్లో బీజేపీని ఓడించేందుకు కృషి చేయాల్సిన అవసరం ఉందని రామారావు ఉద్ఘాటించారు. ముఖ్యంగా ఎన్నికల్లో అంబర్‌పేట నుంచి పోటీ చేయకుండా ఉండేందుకు బీజేపీ అధ్యక్షుడు జి.కిషన్‌రెడ్డి తీసుకున్న నిర్ణయాన్ని కూడా ఆయన విమర్శించారు.

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National