అయోధ్య రామాలయానికి బాంబు బెదిరింపుల కేసులో ఇద్దరు అరెస్టు

Ayodhya: యూపీ సీఎం యోగి ఆదిత్యనాథ్‌ (Yogi Adityanath) సహా, త్వరలో ప్రారంభించనున్న అయోధ్యలో రామమందిరానికి బాంబు బెదిరింపు కేసులో ఇద్దరు వ్యక్తులను ఉత్తరప్రదేశ్ స్పెషల్ టాస్క్ ఫోర్స్ (STF) బుధవారం అరెస్టు చేసింది.

లక్నో: యూపీ సీఎం యోగి ఆదిత్యనాథ్‌ (Yogi Adityanath) సహా, త్వరలో ప్రారంభించనున్న అయోధ్యలో రామమందిరానికి బాంబు బెదిరింపు కేసులో ఇద్దరు వ్యక్తులను ఉత్తరప్రదేశ్ స్పెషల్ టాస్క్ ఫోర్స్ (STF) అరెస్టు చేసింది. STF అదనపు డైరెక్టర్ జనరల్ ఆఫ్ పోలీస్ (ADG) అమితాబ్ యాష్ మరియు దేవేంద్ర తివారీ అనే వ్యక్తికి కూడా బాంబు బెదిరింపులు వచ్చినట్లు సమాచారం. అయితే ఈ కేసులో ఇద్దరు నిందితులను అరెస్టు చేశారు. అరెస్టయిన నిందితులు తాహర్ సింగ్, ఓం ప్రకాష్ మిశ్రాగా గుర్తించారు. వీరు ఇద్దరూ గోండా ప్రాంతానికి చెందినవారు.

పోలీసులు తెలిపిన వివరాల ప్రకారం.. నవంబర్‌లో 'X'(ట్విటర్)లో '@iDevendraOffice' అనే హ్యాండిల్‌ని ఉపయోగించి యూపీ సీఎం యోగి ఆదిత్యనాథ్, STF చీఫ్ అమితాబ్ యాష్ మరియు అయోధ్యలోని రామాలయంను పేల్చి వేస్తామని ఈ నిందితులు బెదిరింపులకు పాల్పడినట్లు పోలీసులు తెలిపారు. బెదిరింపు పోస్ట్‌లను పంపేందుకు ‘[email protected]’ మరియు ‘[email protected]’ అనే ఈమెయిల్ ఐడీలను ఉపయోగించినట్లు దర్యాప్తులో ప్రాథమికంగా వెల్లడైంది. బెదిరింపుల కోసం ఇమెయిల్ ఐడీ లను సృష్టించడానికి మరియు ఇమెయిల్‌లను పంపడానికి Vivo T-2 మొబైల్ ఫోన్ మరియు Samsung Galaxy A-3ని ఉపయోగించిన దోషులను సాంకేతిక ఆధారంగా గుర్తించి, అరెస్టు చేశారు. అదనంగా, ఇమెయిల్‌లు పంపిన ప్రదేశంలో ఉన్న CCTV కెమెరాల Wi-Fi రూటర్ మరియు DVR (డిజిటల్ వీడియో రికార్డర్) కూడా స్వాధీనం చేసుకున్నారు.

బెదిరింపుల ఘటన తర్వాత ఎస్టీఎఫ్ డిప్యూటీ సూపరింటెండెంట్ ఆఫ్ పోలీస్ ప్రమేష్ కుమార్ శుక్లా ఆధ్వర్యంలో సెర్చ్ ఆపరేషన్ ప్రారంభించారు. నిందితులు ఇద్దరూ గోండా నివాసితులు. పారామెడికల్ ఇన్‌స్టిట్యూట్‌లో పనిచేస్తున్నారని అధికారులు తెలిపారు. ఈ కేసును ఎస్టీఎఫ్ మరింత లోతుగా విచారిస్తోంది. నిందితులే ఈ చర్యకు పాల్పడ్డారా? లేక దీని వెనక ఎవరైనా ఉన్నారా? అనే కోణంలోనూ దర్యాప్తు చేస్తున్నట్లు అధికారులు చెప్పారు. మీడియా దృష్టిని పొందేందుకు వారు ఈవిధంగా ప్రచారం చేశారని పోలీసులు అనుమానిస్తున్నారు. ఈమెయిల్స్ పంపిన తర్వాత తివారీ ఆదేశాల మేరకు ఉపయోగించిన మొబైల్ ఫోన్లను ధ్వంసం చేశామని, ఆ పని సమయంలో ఆఫీస్ వై-ఫైని ఇంటర్నెట్ సదుపాయం కోసం వినియోగించామని నిందితులు అంగీకరించినట్లు పోలీసులు తెలిపారు.

అయోధ్యలో నిర్మించిన రామ మందిరంతో సహా ఉత్తరప్రదేశ్‌ (Uttar Pradesh) ముఖ్యమంత్రి యోగి ఆదిత్యనాథ్‌ (Yogi Adityanath)ను పేల్చివేస్తామంటూ ఇటీవల బెదిరింపులు వచ్చిన విషయం తెలిసిందే. సీఎంతో పాటు ఎస్‌టీఎఫ్‌ చీఫ్‌ అమితాబ్‌ యశ్‌ను కూడా హత్య చేస్తామని ఈ సందర్భంగా హెచ్చరించారు. దీంతో అప్రమత్తమైన పోలీసులు దర్యాప్తు ప్రారంభించి నిందితులను కనుగొన్నారు. 

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National