Golden Globes 2024 అవార్డుల్లో సత్తా చాటిన 'ఓపెన్ హైమర్'.. ఏకంగా 5 అవార్డులు

Golden Globes 2024: ప్రపంచ చలన చిత్ర రంగంలో ప్రతిష్ఠాత్మకంగా భావించే 81వ ‘గోల్డెన్‌ గ్లోబ్‌’ (Golden Globe) అవార్డుల ప్రదానోత్సవం ఆదివారం అట్టహాసంగా జరిగింది.

Last Updated : 08 January 2024, 03:30 PM IST

Courtesy: Top Indian News

ప్రపంచ చలన చిత్ర రంగంలో ప్రతిష్ఠాత్మకంగా భావించే 81వ ‘గోల్డెన్‌ గ్లోబ్‌’ (Golden Globe) అవార్డుల ప్రదానోత్సవం ఆదివారం అట్టహాసంగా జరిగింది. ఆదివారం (జనవరి 7) రాత్రి అమెరికాలోని లాస్ ఏంజిల్స్ లో ఉన్న బెవెర్లీ హిల్టన్ లో ఈ వేడుకలు జ‌రిగాయి. ఇక ఈ అవార్డుల్లో హాలీవుడ్ చిత్రం ‘ఓపెన్‌హైమర్‌’ ఉత్తమ చిత్రంగా నిలిచింది. సిలియన్ మర్ఫీ ప్రధాన పాత్రలో నటించిన ఈ చిత్రం ఐదు అవార్డులను కైవసం చేసుకుంది.

ఓపెన్ హైమర్ చిత్రం ఎనిమిది విభాగాల్లో నామినేటై ఏకంగా ఐదింటిలో అవార్డులు గెలుచుకుంది. ఉత్తమ చిత్రం ‘ఓపెన్‌హైమర్‌' (డ్రామా) , ఉత్తమ దర్శకుడు (క్రిస్టఫర్‌ నోలన్‌), ఉత్త‌మ నటుడు( సిలియాన్ మర్ఫీ), ఉత్తమ సహాయ నటుడు (రాబర్ట్ డౌనీ), ఉత్త‌మ‌ ఒరిజినల్ స్కోర్ (లుడ్విగ్ గోరాన్సన్) విభాగాల్లో ఓపెన్‌హైమర్‌కు అవార్డులు అందుకుంది. 2023 జులై 21న రిలీజైన ఈ మూవీ $954 మిలియన్ల వసూలు చేసింది. ఈ అవార్డుల ప్రదానోత్సవంలో హాలీవుడ్ ప్ర‌ముఖులు సందడి చేశారు. మార్గోట్ రాబీ, ర్యాన్ గోస్లింగ్ నటించిన ‘బార్బీ’ కూడా పలు కేటగిరీల్లో అవార్డులను సొంతం చేసుకుంది.

ఉత్తమ చిత్రం-ఓపెన్‌హైమర్‌
ఉత్తమ కామెడీ చిత్రం-పూర్‌ థింగ్స్‌
ఉత్తమ ఆంగ్లేతర చిత్రం-అనాటమీ ఆఫ్ ఎ ఫాల్
ఉత్తమ యానిమేటెడ్‌ చిత్రం-ది బాయ్ అండ్ ది హెరాన్
బాక్సాఫీస్‌ అచీవ్‌మెంట్‌ అవార్డు-వార్నర్ బ్రదర్స్ (బార్బీ)
ఉత్తమ దర్శకుడు-క్రిస్టఫర్‌ నోలన్‌ (ఓపెన్‌హైమర్‌)
ఉత్తమ స్క్రీన్‌ప్లే-జస్టిన్‌ సాగ్‌ ట్రైట్‌, ఆర్ధర్‌ హరారి (అనాటమీ ఆఫ్‌ ఎ ఫాల్‌)
ఉత్తమ నటుడు-సిలియన్ మర్ఫీ (ఓపెన్‌హైమర్‌)
ఉత్తమ నటి-లిల్లీ గ్లాడ్‌స్టోన్ (కిల్లర్స్ ఆఫ్ ది ఫ్లవర్ మూన్)
ఉత్తమ హాస్య నటి-ఎమ్మా స్టోన్ (పూర్‌ థింగ్స్‌)
ఉత్తమ హాస్య నటుడు-పాల్ గియామట్టి (ది హోల్డోవర్స్)
ఉత్తమ సహాయనటి-డావిన్ జాయ్ రాండోల్ఫ్ (ది హోల్డోవర్స్)
ఉత్తమ సహాయనటుడు-రాబర్ట్ డౌనీ జూనియర్ (ఓపెన్‌హైమర్)
ఉత్తమ ఒరిజినల్‌ సాంగ్‌-వాట్‌ వాస్‌ ఐ మేడ్‌ (బార్బీ)
ఉత్తమ ఒరిజినల్‌ స్కోర్‌-లుడ్విగ్ గోరాన్సన్ (ఓపెన్‌హైమర్)

Tags :